Patuloy ang pakikipag-pulong ni Mayor Sonny Perez Collantes sa iba’t- ibang ahensya ng ating pamahalaan para sa karagdagang tulong at suporta na ihahatid sa Lungsod para sa mga ganitong uri ng kalamidad at sakuna ngayong panahon ng tag-ulan.
Kasama si PAF MGen. Ramon Guiang, tinalakay nila Congresswoman Ma. Theresa “Maitet” V. Collantes at Mayor Sonny Perez Collantes ang mga maaaring hakbang upang mas maging handa ang Lungsod ng Tanauan sa mga posibleng bagyong parating sa ating Bansa. Nangako rin ang Philippine Air Force na mananatili silang kaagapay ng lokal na pamahalaan para sa maigting na emergency response at rescue operation sa lungsod.
